काठमाडौं

देशभर जेन–जी पुस्ताको आन्दालेन चर्किएपछि नेकपा माओवादी केन्द्रले जनतासँग माओवादी मध्यपहाडी (पुष्पलाल लोकमार्ग) जनजागरण अभियान स्थगित स्थगित गरेको छ । गोरखाको भीमसेन थापा गाउँपालिका–३ टारिफाँटमा उपब्लध पदाधिकारीको आकस्मिक बैठक बसेर अभियान स्थगित गर्ने निर्णय गरेको हो ।

मंगलबार काठमाडौंमा पूर्ण पदाधिकारी बैठक बस्ने निर्णय माओवादीले गरेको छ । जेन–जी पुस्ताको प्रदर्शन र देशको समसामयिक अवस्थालाई मध्यनजर गर्दै अभियान स्थगित गरेको जनाइएको छ ।

जेन–जीले उठाएका सामाजिक सञ्जालमाथिको प्रतिबन्ध हटाउने र भ्रष्टाचारविरुद्धका मागहरूलाई तत्काल सम्बोधन गर्न माओवादीले माग गरेको छ । स्थिति थप बिग्रिन नदिन जिम्मेवारीपूर्वक ठोस कदम चाल्न सरकारसमक्ष माग गरेको हो ।