तनहुँ
बहुराष्ट्रिय कम्पनी सूर्य नेपाल प्रालिले तनहुँको म्याग्दे गाउँपालिका–६ थानीभैरवको खरखरे पाखामा वृक्षारोपण गरेको छ । मंगलबार खरखरे पाखामा वृक्षारोपण गर्दै २० हजार वृक्षारोपण अभियानको शुभारम्भ गरिएको हो ।
सामाजिक उत्तरदायित्व अन्तर्गत स्थानीय हावापानीमा उपयुक्त फलफूलका विरुवा वृक्षारोपण गरेको सूर्य नेपाल प्रालि शेराटारका मानव शंसाधन विभाग प्रमुख अञ्जान दुवाडीले बताए । उनका अनुसार एभोकाडो, आँप, चाँप, समी, पिपल, अम्बा, अमला, रुख कटहर, रुद«ाक्ष लगायतका १ हजार ५०० विरुवा रोपिएको छ ।
वृक्षारोपणमा सूर्य नेपाल प्रालिका कारखाना प्रमुख बाबुराम कार्की, विभागीय प्रमुखहरु गौतम यादव, राजु पौडेल, हुमनाथ अर्याल, म्याग्दे गाउँपालिका–६ का वडाध्यक्ष हिरा गुरुङ, पर्यावरण तथा दिगो विकास केन्दका प्रमुख रवि आचार्य लगायतको सहभागिता रहेको थियो ।
पर्यावरण तथा दिगो विकास संस्थासँगको सहकार्यमा वृक्षारोपण गरेको हो । गत वर्षसम्म सूर्य नेपालले १५ हजार विरुवा रोपेको थियो । यो वर्ष थप २० हजार रोप्ने अभियान थालेको छ ।
सूूर्य नेपालले तनहुँका विभिन्न क्षेत्रमा दिगो विकासलाई लक्षित गरि आफ्नो सामाजिक उत्तरदायित्वको कार्यक्रम गर्ने गर्दछ । शिक्षा, स्वास्थ्य, कृषि, भौतिक पुर्वाधार, फोहर व्यवस्थापन, आयआर्जनमुलक कार्यक्रममा सहयोग गर्दै आइरहेको छ ।