राष्ट्रिय युवा परिषदको कार्यकारी उपाध्यक्षमा सुरेन्द्र बस्नेत नियुक्त भएका छन् ।मन्त्रिपरिषद्को बुधवार बसेको बैठकले युवा तथा खेलकुद मन्त्री महेश्वर गहतराजतको प्रस्तावमा बस्नेतलाई चार वर्षका लागि बस्नेतलाई उपाध्यक्षमा नियुक्त गरेको हो ।

माओवादी केन्द्रका युवा नेता बस्नेत अनेरास्ववियू क्रान्तिकारीका पूर्व उपाध्यक्ष पनि हुन् । बस्नेतलाई राज्यमन्त्री सरह सुविधा पाउनेगरि चार वर्षका लागि नियुक्त गरिएको हो।युवा नेता बस्नेत माओबादी केन्द्रको उपत्यका बिशेष प्रदेश कमिटी सचिव पनि हुन्।

यसअघि केपी ओली सरकारका पालामा नियुक्त भएका माधव ढुङ्गेललाई सरकारले हटाएको थियो । ढुंगेल नेकपा एमाले केन्द्रीय सदस्य हुन् ।उनी पुनर्वहालीका लागि अदालत नगएपछि बस्नेतलाई नियुक्तिको बाटो सहज भएको हो।

साउन२१/२०७८

प्राविधिक विद्यार्थी संघ नेपाल, कृषि तथा वन विज्ञान विश्वविद्यालय (TSAN-AFU) र युथ थिङ्कर्स सोसाइटी – चितवन(YTS Chitwan)को सहकार्यमा डिजिटल कृषि सम्मेलन हुने भएको छ। कोरोना महामारीबाट सिर्जित प्रतिकूल अवस्थाका कारण सम्मेलन भर्चुअल रूपमा नै सञ्चालन गरिने भएको हो। कृषि तथा वन विज्ञान विश्वविद्यालयका विद्यार्थीहरूद्वारा अन्तर्राष्ट्रिय स्तरको कृषि सम्मेलन आयोजना हुन लागेको यो पहिलो पटक हो । उक्त सम्मेलन आउँदो असोज २ र ३ गते जुम मिटिङ एप मार्फत सञ्चालन हुने बताइएको छ ।

‘Reliable DigiCulture, Resilient Agriculture’ भन्ने मुल नाराका साथ सञ्चालन गर्न लागिएको सम्मेलनलाई ‘Forefront in Sustainable agriculture:Digitization and Climate Resilience’ नाम दिइएको छ । कृषि प्रविधिमा युवावर्गको ज्ञानको क्षितिज फराकिलो बनाउने अभिप्रायका साथ युवाहरूद्वारा नै सञ्चालन हुने यस सम्मेलन देशभरीका युवा क्षमतालाई जोड्ने एउटा भरपर्दो माध्यम बन्ने विश्वास रहेको आयोजना समितिले जनाएको छ ।

यस सम्मेलनले सहभागी र कृषि प्राविधिकहरूलाई आधुनिक कृषि उपकरणका बारेमा जानकारी दिनु, कृषक र प्रविधि बिचको दूरी घटाउनु, कृषि विज्ञको भूमिकाबारे सचेत बनाउनु, अव्यवस्थित प्रविधिले किसान र कृषि प्रणालीमा पार्ने असरका बारेमा जानकारी गराउनु र उद्यमीहरूबाट दिगो रूपमा आधुनिक कृषि सञ्चालन गर्न सल्लाह सुझाव प्रदान गर्ने जस्ता लक्ष्य राखेको छ । साथै, नवीनतम् प्रबिधि र डिजिटल कृषि सम्बन्धि बिषयलाई सामेल गर्नेगरि कृषि विश्वविद्यालयहरूका पाठ्यक्रमलाई परिमार्जनका लागि प्रेरित गर्नु पनि यस सम्मेलनको उद्धेश्य रहेको आयोजकले बताएको छ ।

दुई दिनसम्म चल्ने उक्त अन्लाईन सम्मेलनमा देश तथा विदेशबाट सम्बन्धित क्षेत्रमा अध्ययन तथा अनुसन्धान गर्नुभएका बिद्यार्थी तथा बैज्ञानिक, विभिन्न बिश्वबिद्धालयका पदाधिकारी तथा प्राध्यापक , सरकारका प्रतिनिधि, कृषक तथा यस पेसामा लाग्नुभएका विभिन्न व्यक्तित्वहरूको उपस्थिति रहने छ । जहाँ कृषिमा प्रविधि र आविस्कारको दिगो तथा उचित प्रयोगका बारेमा सहभागीहरूसँग प्रत्यक्ष कुराकानी गर्दै आफ्ना अनुभव, ज्ञान, दृष्टिकोण र विचारहरू व्यक्त हुने छन् । दुई दिने यस सम्मेलनलाई भिन्नभिन्न कार्यक्रममा सञ्चालन गरिने छ । जसमा अन्तरक्रियात्मक कार्यक्रम, भिडियो प्रस्तुतीकरण र नयाँ विषयमा भएका अनुसन्धानका बारेमा परिचर्चा हुनेछ । विशेषत: कृषि क्षेत्रमा आधुनिकीकरणको अवस्था तथा आवश्यकतालाई मध्यनजर गरी कार्यक्रमहरू सञ्चालन गराइने छन् । यसको अतिरिक्त, कार्यक्रमलाई मनोरञ्जनसँग जोड्नका लागि सहभागीहरूको बौद्धिक क्षमता वृद्धि गर्ने खालका खेलहरू पनि खेलाइने बताइएको छ ।
विद्यार्थीहरुको यस किसिमको उत्साह तथा कार्यक्रम गर्ने जमर्कोबाट आफू एकदमै खुसी भएको र आफ्नो ठाउँबाट गर्नुपर्ने सहयोग गर्न तत्पर रहेको कृषि तथा वन विज्ञान विश्वविद्यालयका उपकुलपति प्रा.डा. पुण्यप्रसाद रेग्मीले बताउनु भएको छ । त्यस्तै विश्वविद्यालयकी रजिस्ट्रार प्रा.डा. शारदा थपलियाले यस किसिमको सम्मेलनले विद्यार्थीहरुको व्यक्तित्व विकास गर्ने र यसबाट देशभरिका कृषिकर्मीले फाइदा उठाउन सक्ने कुरामा जोड दिनुभयो। साथै बिद्यार्थीहरुको जागरुकताबाट आफू हर्षित भएको र सम्मेलनमा आवश्यक सहयोग गर्ने प्रतिबद्धता पनि जनाउनु भएको छ ।
कृषि तथा वन विज्ञान विश्वविद्यालय रामपुर चितवनमा अध्ययनरत विधार्थीहरूद्वारा आयोजन हुन लागेको यस सम्मेलनलाई उक्त विश्वविद्यालयको पूर्ण साथ र सहयोग रहेको छ । त्यस्तै राष्ट्रिय युवा परिषद् र कृषि विश्वविद्यालयको अनुसन्धान तथा प्रसार निर्देशनालय (DOREX) को पनि सहयोग रहेको आयोजना समितिले जानकारी दिएको छ।
नेपालको कृषि क्षेत्रमा भएका नवीन आविष्कार र डिजिटल प्रविधिको वर्तमान अवस्था , यसको समुचित तथा दिगो प्रयोग र आगामी दिनहरूका कदम बारे छलफल तथा चर्चा गरिने यस कृषि सम्मेलनमा सम्पूर्ण कृषि विद्यार्थी , प्राध्यापक, अनुसन्धानकर्ता, कृषि उद्दमी, तथा सरकारी निकायहरूको उपस्थितिको अपेक्षा रहेको आयोजकले बताएको छ।

काठमाडौ
राष्ट्रिय युवा परिषद्ले प्रविधिको प्रयोग गरेर नै नमूना युवा संसद सञ्चालन गरेको छ । देशभरिका युवालाई प्रविधि प्रयोग गरेर एकै ठाउमा जम्मा गरेर युवा संसद सञ्चालन गरेको हो ।

कोरोना भाइरसको कारणले भौतिक रुपमा उपस्थित हुन नसक्ने भएपछि परिषद्ले प्रविधिको प्रयोग गरि युवा संसद सञ्चालन गरेको हो । परिषद्ले सातवटै प्रदेशमा ‘नमुना युवा प्रदेश सभा’ भर्चुअल विधिबाट सञ्चालन गरेको छ ।

परिषद्का उपाध्यक्ष माधबप्रसाद ढुंगेलले भर्चुअल विधिबाट पनि युवा संसदको अभ्यास सम्भव भएको बताए । छनौट परेका १६ देखि २४ बर्ष उमेर समूहका मुख्यमन्त्री, मन्त्री, प्रदेश सभामुख, उपसभामुख, सचेतक, संसदीय दलका नेता, प्रदेश सांसदको भूमिकामा भर्चुअल विधिबाट युवा प्रदेश सभाको अभ्यास गराउन सम्भव भएको हो ।

परिषद्ले सातवटै प्रदेशमा छुट्टाछुट्टै जुमबाट प्रदेश सभा सञ्चालन गरेको हो । सातवटै प्रदेशमा भर्चुअल विधिबाट सभा सञ्चालन गर्नका लागि पाँच जनाको प्राविधिकको समूह रहेको छ ।

उक्त समूहले प्रत्येक प्रदेशमा एक वटा जुम आइडी उपलब्ध गराएर सभा सञ्चालन गरेको हो । भर्चुअल रुपमा सभा सञ्चालन गर्नका लागि सात वटा क्यामेराको प्रयोग गरिएको थियो ।

भौतिक उपस्थिति जस्तै भर्चुअलबाट प्रविधिको प्रयोग गरेर प्रदेश सभाको कार्यकक्ष, रोष्टम, कुर्ची, मर्यादापालकको पनि  प्रदेश सभा सञ्चालन गर्दा देखाइको थियो ।

‘कोरोना भाइरसको कारणले हामीले भर्चुअल विधिबाट गरौ’ उनले भने, ‘हामीले पहिलो त सम्भव हुन्न भन्ने जस्तो लागेको थियो तर हामीले सभा राम्रोसंग सञ्चालन गरौ ।’

भर्चुअल विधिबाट गरिएको सभा सञ्चालनको समापनमा सातवटै प्रदेशमा जुमलाई एकै ठाउँमा जोडिएको थियो ।परिषद् कार्यकारी उपाध्यक्ष ढुंगेलले भर्चुलअ विधिबाट कम खर्च पनि कममा कार्यक्रम प्रभावकारी भएको बताए।

‘यही भौतिक उपस्थितिमा भएको भए हाम्रो समूह सातवटै प्रदेशमा जानुपर्दथ्यो जसले गर्दा खर्च बढी हुने गर्दथ्यो’ उनी भन्छन्, ‘तर भर्चुअलबाट युवा प्रदेश सभा सञ्चालन गर्दा खर्च पनि कम र कार्यक्रम पनि प्रभावकारी भएको छ।

परिषद्ले यहि असार २८ गते देखि नै यसै गरी संघीय नमुना युवा संसद सञ्चालन गर्ने छ । उनले प्रशिक्षण दिएका युवाले नमुना प्रदेश सभा सञ्चालन गरेजस्तै सरकारले कोरोना भाइरसको समयमा व्यवस्थापिका संसद चलाउन सकिने धारणा राखेका थिए ।

‘दुई दिन तालिम लिएका १६ देखि २४ बर्ष उमेर समूहका युवाले नमुना युवा प्रदेश सभा सञ्चालन गर्नुभयो” उनले भने, ‘नमुना युवा प्रदेश सभाजस्तै संसदीय अभ्यास गरेका सांसदबाट कोरोना भाइरसको बेला भर्चुअल विधिबाट नै प्रतिनिधी सभा र राष्ट्रिय सभा सञ्चालन गर्न सकिन्छ ।’

परिषद्ले भोलिदेखि नै दुई दिनसम्म पनि भर्चुअल विधिबाट राष्ट्रिय युवा वैज्ञानिक सम्मेलन आयोजना गर्दै छ । सम्मेलनमा चार सय जनाको उपस्थित हुने छ ।

यसअघि परिषद् गतबर्ष अन्तराष्ट्रिय युवा दिवस भर्चुअल विधिबाट भएको थियो । उक्त कार्यक्रममा श्रीलंका, भारत र वंगलादेशका मन्त्री र सचिव पनि सहभागि भएका थिए।