आदिकवि भानुभक्त आचार्यको २१० औं जन्मजयन्तीको अवसरमा नमुना बगेश्वोरी बहुमुखी क्यम्पसमा स्वतन्त्र विद्यार्थी युनियनको आयोजनामा सरसफाइ तथा वृक्षरोपण कर्याक्रम सम्पन भएको छ।अनेरास्ववियु जिल्ला कमिटी धादिङका सहसचिव एवं गल्छि गाउँपालिका वडा नं.७ मा अवस्थित नमुना बागेश्वरी बहुमुखी क्याम्पस स्ववियु सभापति अन्दाज श्रेष्ठको अनुसार तेजपत्ता,अमलाद,धुपि,चाप,कल्कि फुल र अम्बा गरेर १३० विरुवा सारेको बताउँछन्।

अनेरास्ववियु आदर्श बहुमुखी क्याम्पस कमिटीको आयोजना बृक्षाराेपण कार्यक्रम सम्पन्न भएको छ।आज शुक्रबार क्याम्पसमा बकाईनाे,तेजपत्ता ,कल्कि फुल बिरुवा सारेको क्याम्पस कमिटी अध्यक्ष सुरेश श्रेष्ठले बताए।

धादिङको गजुरी गाउँपालिका वडा नं.१ गजुरी बजारमा अबस्थित आदर्श बहुमुखी क्याम्पसमा अनेरास्ववियु गठन भए सङ्गै रचनात्मक कार्यक्रम गर्दै आईरहेको छ।बृक्षाराेपण कार्यक्रममा स्ववियु सङ्गै क्याम्पस प्रमुख लगायत क्याम्पस प्रसाशनको सक्रिय सहभागीता रहेको थियोे।

सीताराम अधिकारी
धादिङबेसी भर्याङभुरुङ सडकमा हतारमा कामसक्नका लागि ठेकेदार कम्पनीले माटोमाथी ढलानको काम गरिरहेको छ ।पटक पटक म्याद थपेर पनि २ सय दिन जरिवाना तिरेर काम गर्दै गरेको ओल्डवाइज सुसान जेभि नामक ठेकेदार कम्पनीले स्याउली भर्याङभुरुङ खण्डमा गरिएको नालाको छेउको भागको ढलानमा माटोमाथी नै काम गरिरहेको भेटिएको हो ।

संचारकर्मीहरुको टोली सो क्षेत्रमा पुग्दा नालाको ढलान भइरहेको थियो। घरमा हामी ढलान वा सिमेन्टको वाल लगाउँदा यसरी माटोमाथी नगर्ने भएकोले सडक बनाउँदा पनि माटो माथी ढलान गर्नु नपर्नेमा कसरी ढलान गरेको भनेर स्थलगत रुपमा हेरिएको संचारकर्मी बिनोद तमुले बताउनुभयो ।यतिखेर ठेकेदार कम्पनीले नाला ढलान गर्ने र सडकमा ग्राभेल मिलाउने काम भइरहेको छ । १३ किलो मिटरसडक पिच गर्ने प्रयोजनार्थ भइरहेको काम कमसल काम भइरहेको फिल्डमा खटिएको इन्जिनियर बलराम मण्डलले बताउनुभयो।

बागमति प्रदेश सरकारको स्थानीय पूर्वाधार विकास आयोजना कार्यालय हेटौँडाले ठेक्काको काम भइरहेको छ।
६ करोड ५४ लाख ठेक्कामा गत बैशाखमा काम सम्पन्न गर्नेगरि काम भएको भएपनि ठेकेदार कम्पनीले समयमा काम नगरेका कारण ठेक्का रकमको १० प्रतिशत रकम जरिवाना तिर्नेगरि २ सय दिन अथवा कात्तिक मसान्तमा पिचको काम सम्पन्न गर्नेगरि काम भइरहेको र अनुगमन समेत भइरहेको बागमति प्रदेश सरकारको स्थानीय पूर्वाधार विकास आयोजना कार्यालय हेटौँडाका सूचना अधिकारी पारस पाण्डेले जानकारी दिनुभएको छ ।

१३ किलोमिटर पिच गर्ने सडकको ४ महिना काम गर्नेसमय बाँकी हुँदा ३० प्रतिशतमात्र काम सम्पन्न भएको पाण्डेको भनाइ छ ।हतारमा काम गरिरहेको बताउने ठेकेदार कम्पनीले इस्टमेट र कार्यालयले गरेको ठेक्काको काम गरिरहेको साइड इन्चार्ज प्रभाकर बस्नेतले बताउनु भयो ।
हतार हतारमा काम गरिरहेको ठेकेदार कम्पनीले माटोमाथी गरिरहेको ठलान र कमसल संरचना बनाउँदै गरेको विषयमा स्थानीय रुपमा समेत प्रश्न गरिएको उपभोक्ता एवं संचारकर्मी बिरमान तामाङले बताउनुभयो ।

गजुरी/ राष्ट्रिय स्वतन्त्र पार्टीले गजुरी गाउँपालिका कमिटि सभापतिमा मिलन डल्लाकाेटिलाई चयन गरेको छ। राष्ट्रिय स्वतन्त्र पार्टीको आज शनिबार भएको गाउँपालिका स्तरीय भेलाले डल्लाकाेटिलाई सभापतिमा चयन गरेको हाे।स्वतन्त्र पार्टीका उपसभापति एवं संघीय सांसद डोल प्रसाद अर्याल,संसद डा.ताेसिमा कार्कि,रमेश प्रसाई,बसुमाया तामाङ,जिल्ला सभापति सुर्यमणि पाठक लगायतका नेताको उपस्थितिमा भएको गाउँपालिका स्तरीय भेलाले ११ सदस्यीय गाउँपालिका कमिटी गठन गरेको स्वतन्त्र पार्टी गजुरीले बताएको छ।

सभापति मिलन डल्लाकोटी,उप-सभापति राम बहादुर तामाङ,सचिब रामहरी न्यौपाने,कोषाध्यक्ष रश्मी बाबा नरसिंह जी गजुरे,सदस्य दीपक उप्रेती,तारा लामा,राजेश कुमार गजुरेल,लिला बहादुर लामा,बिनोद अधिकारी,अन्जली अधिकारी,सगुन कार्की भण्डारी सहितको ११ सदस्यीय कमिटी गठन गरेको हाे।

सीताराम अधिकारी/धादिङ

आफैंले बनाएको प्राविधिक शिक्षा छात्रवृत्ति वितरण कार्यविधि २०७९ विपरीत आफ्ना समर्थकहरुलाई विरोधका बाबजुद सिद्धलेक गाउँपालिकाले छात्रवृत्ति वितरणको अन्तिम तयारी गरेको छ ।

सिद्धलेक गाउँपालिकाभित्र बसोबास गर्ने, कक्षा १ देखि एसईईसम्म सिद्धलेकका सामुदायिक विद्यालयमा अध्यायन गरी प्लस उत्तीर्ण गरेपछि अन्य सरकारी छात्रवृत्ति नपाएका, प्राविधिक विषय अध्यायन गर्ने र अध्यायन गर्न भर्ना भएकाहरुलाई कलेज तथा विश्वविद्यालयमा तिरेको बिलको आधारमा ५० हजारदेखि १ लाख ५० हजारसम्म छात्रवृत्ति दिने सिद्धलेक गाउँपालिकाले प्रकाशन गरेको राजपत्रमा उल्लेख छ ।

स्नातक र स्नाकोत्तर प्राविधिक विषयमा अध्यायन गर्नका लागि गरिब भएका कारण अध्यान गर्न नसकेकालाई सहयोग पुग्ने अपेक्षासहित ०७९ फागुन २९ गते कार्यपालिकाले प्राविधिक शिक्षा छात्रवृत्ति वितरण कार्यविधि २०७९ स्वीकृति गरेर स्थानीय राजपत्रमा उल्लेख गरेकोमा हाल वितरण गरिएको छात्रवृत्ति नियम विपरीत भएको सिद्धलेकका रकिम अन्सारीले बताउनुभयो ।

गाउँपालिकाले अघिल्लो गाउँसभाबाट गजुरीमा रहेको आदर्श बहुमुखी क्याम्पसलाई ५ लाख, मलेखुमा रहेको जयवागेश्वरी ५ लाख, नीलकण्ठमा रहेको नीलकण्ठ बहुमुखी क्याम्पसलाई ५ लाख र प्राविधिक शिक्षालय गजुरीलाई २ लाख ८० हजार रुपियाँ सहयोग गर्ने उल्लेख गरेको थियो । यो कार्यक्रमअन्तर्गत हालसम्म पनि अनुदान रकम उपलब्ध नगराएको सिद्धलेक गाउँपालिकाले वर्षको अन्त्यमा हतारहतार सूचना प्रकाशन गरी कार्यविधिविपरीत प्राविधिक नपढेका माध्यमिक तहका विद्यार्थीलाई छात्रवृत्ति वितरण गर्न लागेको हो । यसका लागि गाउँपालिकाले वैशाख २५ गते ७ दिनको सूचना दिएर छात्रवृत्ति लिनका लागि सूचना आह्वान गरेको जनाएको छ तर छात्रवृत्ति लिन आवश्यक गरिबहरुले सूचना नै जानकारी नभएको बताएका छन्।

गाउँपालिका छात्रवृत्ति व्यवस्थापन गर्न गाउँपालिका अध्यक्ष परशुराम खतिवडाको अध्यक्षतामा बनेको समितिले निवेदन परेकामध्ये माध्यमिक तहका ४२ जनाबाट २० जनालाई ५०÷५० हजार दिने गरी असार ३ गते नाम छनोट गरेको जनाएको छ ।

कार्यविधिमा इन्जिनियरिङ, चिकित्सासास्त्र, बीएससी नर्सिङ, वन, कृषि भेटेनरी आदिलाई दिने भनिएकोमा प्राविधिक विषय नै नभएको आदर्श बहुमुखी क्याम्पसमा अध्यक्षन गर्ने ६ जना छन् । प्लस टुपछि दिने छात्रवृत्तिमा माध्यमिक विद्यालयमा अध्ययन गर्ने ८ जनालाई दिने सिफारिस छ भने प्राविधिक विषयमा अध्यायन गर्नेलाई दिने कार्यविधिमा स्पष्ट भए पनि ६ जना त शिक्षा संकायमा रहेको छनोट समितिले सार्वजनिक गरेको नाममा उल्लेख छ ।

छात्रवृत्ति छनोट समितिले छानेको नामका २० जनालाई ५०÷५० हजार रुपियाँ उपलब्ध गराउनका लागि पालिकाले तयारी गर्दै बैंक खाता खोलेर आउन मंगलबार छात्रवृत्ति दिन बोलाइएकाहरुलाई पठाइएको प्रमुख प्रशासकीय अधिकृत राजन फुयालले बताउनुभयो । कार्यविधि र छनोट भएकाहरुको विषय फरक परेको अवस्थामा पछि कार्यविधि सच्याउने पनि फुयालको भनाइ छ ।

पहिले रकम वितरण गरेरपछि कार्यविधि सच्याउने नेपालको कानुनविपरीत विषय हो । शिक्षा शाखाका प्रमुख रामेश्वर पुडासैनीले कार्यविधि विपरीत नभएको बताउनुभएको छ । शिक्षा समितिका सदस्य एवं वडा अध्यक्ष झकबहादुर थापामगरले हतारमा कार्यविधि पारित गरिएको र छलफल नभएको अहिले वितरण गरिने छात्रवृत्तिबारे कार्यपालिकामा छलफल नभएको बताउनुभएको छ ।

गाउँपालिका अध्यक्ष परशुराम खतिवडालाई पटकपटक सम्पर्क गर्न खोज्दा सम्पर्कमा आउनुभएन । पटकपटकको गरिएको टेलिफोन उठाउनुभएन । अध्यक्षलाई पठाइएको म्यासेजसमेत रेसपोन्स गर्नुभएको छैन ।

नागरिक समाजको तर्फबाट पालिकामा पटकपटक यसबारेमा जानकारी माग्दा समेत अधुरो सूचना दिने गरेको र नियमविपरीत छात्रवृत्ति बाँड्ने कार्यको विरोध गरिरहने रकिम अन्सारीको भनाइ छ ।

प्रधानमन्त्री  पुष्पकमल दाहाल ‘प्रचण्ड’ले विगत अनुभवबाट शिक्षा लिएर कम्युनिष्ट एकीकरणका लागि एकतावद्ध हुन आव्हान गर्नुभएको छ । ३४औं स्मृति दिवसको सन्दर्भमा आयोजित नारायणविलास जोशी स्मृति प्रतिष्ठान भवन समुद्घाटन एवं प्रतिमा अनावरण समारोहलाई सम्बोधन गर्दै उहाँले आफूहरुले भर्खरै समाजवादी मोर्चा बनाएर कम्युनिष्ट एकताका लागि पहल गरेको बताउनुभयो ।

प्रधानमन्त्री प्रचण्डले भन्नुभयो, ‘हामीले फेरि नेकपा तिरै फर्कने भनेका छौं । फेरि पार्टीलाई एकतावद्ध गर्नुपर्छ भनेका छौं ।’ देशका वामपन्थीहरुलाई एकतावद्ध गरेर आम श्रमजीवि जनताको हित र नेपाल राष्ट्रको स्वतन्त्रता र स्वाधिनताको सुदृढीकरणका निम्ति अझ गम्भीरतापूर्वक अगाडि बढ्ने उहाँले आफूहरुको संकल्प रहेको बताउनुभयो ।

प्रधानमन्त्री प्रचण्डले भन्नुभयो, ‘२००६ सालमा स्थापना भएको कम्युनिष्ट पार्टीले अहिले देशब्यापी स्वरुप लियो । देशको पहिलो शक्ति बनिसक्यो । यो शक्तिलाई एकतावद्ध गर्दा देशमा समाजवादको नयाँ यात्रा अगाडि बढ्न सक्छ भन्ने ठानेर मैले तात्कालिन नेकपा एमालेका अध्यक्ष केपी ओलीसँग कम्युनिष्टहरुलाई एकतावद्ध गर्यो भने छिटोभन्दा छिटो हामीले आर्थिक समृद्धि तिर जान सकिन्छ र समाजवाद तिर पनि देशलाई डो-याउन सकिन्छ भनेको थिएँ । र, कम्युनिष्ट एकता भयो पनि । देशको सबैभन्दा ठूलो शक्ति झण्डै दुईतिहाई प्राप्त पनि भयो । जनतामा ठूलो उभार र उत्साह देखापर्यो । कम्युनिष्ट समर्थक र शुभेच्छुकमा ठूलो उत्साह र उभार देखापर्यो ।

प्रतिक्रियावादी प्रतिक्रान्तिकारीहरुमा एउटा आतंक जस्तो भयो । तर दुर्भाग्य हामीले त्यसलाई बचाउन सकेनौं । त्यो एकतालाई बचाएर राष्ट्र, जनता र समाजवादको हितमा प्रचुर सम्भावना थियो, त्यो बचाउन सकिएन । म यसमा कसैलाई दोषारोपण गर्दिन । हामी एकपटक असफल भए पनि त्यसबाट शिक्षा लिएर अगाडि बढ्ने उद्देश्य राख्नु पर्दछ । किनकी विश्वभरिकै कम्युनिष्ट र समाजवादी आन्दोलनको इतिहास एकता, संघर्ष विभाजन र रुपान्तरणबाट गुज्रिँदै अगाडि बढेको छ । नेपालको कम्युनिष्ट आन्दोलन पनि त्यहि नियम अनुसार नै अगाडि बढेको छ ।